注意!所有中資機構都是監控管道。

Chù-ì! Só͘-ū-ê Tiong-chu ki-kò͘ lóng-sī kàm-khòng kóan-tō.

Bí-kok thê-chhut kéng-kò, chôan-kiû Tiong-chu pn̄g-tiàm lóng bô-an-chôan, tòa–ji̍p-khì bōe-su thǹg-kng-kng.
美國提出警告,全球中資飯店都不安全,住進去等於是個透明人。

20181224 中共駭客猖獗 美:小心全球中資飯店

M̄-nā án-ne, só͘-ū Tiong-kok khì-gia̍p ê tiān-chú sán-phín, lóng ū chu-an ê būn-tê. Góa put-tōan thê-chhíⁿ, chhian-bān mài sú-iōng Tiong-kok khì-gia̍p ê chhiú-ki. Put-kò, iàu-sī chin-chōe lâng jīm-ûi “Bô kám-kak ū sím-mih būn-tê.”
不只如此,所有中國企業的電子產品,都有資安的問題。我一直提醒,千萬不要使用中國企業的手機。很遺憾,還是很多人認為「沒感覺有甚麼問題。」

M̄-thang khòaⁿ-khin chit-chân tāi-chì, iáu-ū chin-chōe sè-chiat m̄-sī lán ē-tàng hoat-kak ê. Chhiūⁿ-kóng:
別小看此事,還有很多微小細節都不是我們能察覺的。舉個例子:

  • Chin-chōe tiān-chú sán-phín, sui-bóng lán í-keng koaiⁿ-ki, tān ū-iáⁿ toh ôan-chôan tn̄g-sòaⁿ ma? Chin pháiⁿ-kóng oh.
    很多電子產品,雖然我們已經關機,但真的就完全斷訊了嗎?很難說喔。
  • Siat-sú chhiú-ki chiong lán-ê bāng-chām-bi̍t-má, jīn-chèng-má … téng, àm-tiong thôan-kàu te̍k-tēng IP. Thái-chi̍t-kang ū su-iàu ê sî to ē-tàng ji̍p-chhim lán-ê FB, gîn-hâng … téng khòaⁿ-liáu-liáu, sīm-chì chia̍h-miâ chò pháiⁿ-tāi.
    假如手機將我們的上網密碼、認證碼 … 等,秘密傳到特定 IP 。哪天有需要時就能輕易登入我們的 FB 、銀行 … 等看光光,甚至冒名幹壞事。

Tú-á kóng-ê sī àm-tiong pìⁿ-kúi, tān lēng-gōa iáu-ū khòaⁿ-hiān-hiān ê khó-phàⁿ sū-si̍t:
上面提的是暗中搞鬼,但另外還有明目張膽的可怕事實:

  • Tiān-chú kau-e̍k, lán-ê múi-chit-pit kau-e̍k chu-liāu, gîn-hâng lóng-ē lâu–tio̍h, chin chèng-siông. Tān Tiong-chu ê chi-hù-hē-thóng, lâng-kheh ê siau-hùi chu-liāu lóng-ē éng-kiú kì-lo̍k tī Tiong-kok ê kàm-khòng tan-ūi chhiú-thâu.
    電子交易下我們的每一筆交易資料,銀行都會留下紀錄是正常的。但中資的支付系統,客戶的消費資料都會永久記錄在中國的監控單位手中。
  • Lán tī siáⁿ-mi̍h sî-chūn, siáⁿ-mi̍h só͘-chāi, kap siáⁿ-lâng chò-hóe, siau-hùi siáⁿ-mi̍h … , lán-ê seng-o̍ah hûn-jiah lóng-hō͘ Tiong-kok ê chêng-pò-tan-ūi chiáng-ak.
    我們在甚麼時候、甚麼地點、和誰在一起、消費了甚麼 … ,我們的生活痕跡全都被中國情報單位掌握。
  • Tng lán kàu Tiong-kok lí-hêng ê sî, ji̍p-koan hit-chit-khek hái-koan to lóng chai-iáⁿ lán-ê kòe-khì; Chiū-sǹg chêng-kàu-taⁿ bô khì-kòe Tiong-kok.
    當我們到中國旅行時,入關的那一刻海關全都知道我們的過去;就算以前沒去過中國。

Lán pit-su ài siūⁿ hō͘ chheng-chhó, tng tùi-hong hiah-ni̍h liáu-kái lán-ê kòe-khì, thái-chi̍t-kang ná siūⁿ-beh lī-iōng lán chò siáⁿ-mi̍h tāi-chì sī-m̄-sī ke chin-kán-tan?
我們必須想清楚,當對方那麼了解我們的過去,哪天若想要利用我們做點事是否很容易上手?

Lim Bun-hoa (林文華) 2018/12/25