標籤: 暴政之下

馬雲們別怨嘆，中國政府本來就可以合法拿走人民的財產。

Má-Hûn-ê m̄-bián òan-thàn, Tiong-kok-chèng-hú chū-pún tio̍h-ē-sái ha̍p-hoat the̍h-cháu jîn-bîn ê châi-sán.

Kīn-lâi, chi̍t-ê-chi̍t-ê tōa-thâu-ke “pī-thòe-hiu”; Che koh bô-pau-koat pī-tiau-cha phòaⁿ-chōe, pī-ì-gōa he̍k-chiá tī kok-gōa lī-kî-sí-bông, sui-bóng hō͘-lâng kám-kak kiaⁿ-hiâⁿ, tān lán siong-sìn che-chiah taⁿ-á khai-sí nā-niā.
最近，一個個大老闆「被退休」；這還沒包括被調查判罪、被意外或在國外離奇死亡，雖然讓人覺得驚恐，但我們相信這才剛剛開始而已。

Tàu-té su-iú-châi-sán tī Tiong-kok sī sahⁿ-mih chêng-hêng, ūi-siáⁿ-mi̍h jîn-bîn ē sùn-kan piàn “bû-sán”?
到底私有財產在中國是怎麼一回事，為什麼人民會瞬間變成「無產」？

Kî-si̍t, chit-ê kok-ka chá-tio̍h ūi “châi-sán chhiong-kong” tâi-àn-té ah-sī siat-hām-chíⁿ, mô͘-kúi tio̍h tī-leh hiàn-hoat lāi-té!
其實，這個國家早就為「財產充公」留了伏筆或陷阱，魔鬼就在憲法裡！

Lán lâi-khòaⁿ Tiong-kok-hiàn-hoat:
來查閱中國憲法：

  • Tē-13-tiâu Kong-bîn ê su-iú-châi-sán put-siū chhim-hōan.
    第十三條    　公民的合法的私有財產不受侵犯。
    • Kok-ka àn-chiàu hoat-lu̍t-kui-tēng pó-hō͘ kong-bîn ê su-iú-châi-sán-kôan kap sêng-sio̍k-kôan.
      國家依照法律規定保護公民的私有財產權和繼承權。
    • Kok-ka ūi-tio̍h kong-kiōng-lī-ek ê su-iàu, ē-sái àn-chiàu hoat-lu̍t-kui-tēng tùi kong-bîn ê su-iú-châi-sán si̍t-hêng teng-siu he̍k-chiá teng-iōng pēng hō͘ pó͘-sióng.
      國家為了公共利益的需要，可以依照法律規定對公民的私有財產實行徵收或者徵用並給予補償。

Bīn-tùi thó͘-húi-chèng-kôan, siōng-hó ê pān-hoat tio̍h-sī kā châi-sán koan-chhut-khì, kiû-bāng lâu-lo̍h o̍ah-miā.
面對土匪政權，最好的辦法就是把財產捐出去，祈望留個活命。

Che tio̍h-sī CCP!
這就是中共！

19821204 中華人民共和國憲法

資料來源：中國人民代表大會

Lim Bun-hoa (林文華)　2019/10/12

何韻詩來台被潑紅漆，起因來自國家大門養惡虎。

Hô Ūn-si lâi-Tâi pī phoah-âng-chhat, khí-in lâi-chū kok-ka-tōa-mn̂g chhī ok-hó͘.

Gōa-kau-pō͘ 4/29 Twitter tah-bûn, kóng ū thóng-phài-cho͘-chit tī tōa-mn̂g-kháu hòng-sàng Si̍p K.P. ê “o͘-kóng-pe̍h-kóng”. Koh ka-kī-po, chèng-bêng sió-sió Tâi-ôan chin-khòaⁿ-tiōng pó-chiòng “giân-lūn-chū-iû”; tùi-pí Tiong-kok hiah-nī-tōa khiok …
外交部曾於 4/29 發推文，說有統派組織在大門口撥放習近平的「胡言亂語」。並自誇，證明小小台灣很重視保障「言論自由」；對比中國很大卻 ……

Chhiáⁿ-mn̄g, chit-lō͘ tāi-chì jîn-bîn tông-ì ma? Chhòa-chóng-thóng chàn-sêng ma? Mā-ē-sái soan-iông Nazi ma?
請問，此事人民同意嗎？蔡總統贊成嗎？也可宣揚納粹嗎？

  • 9/19 Au-chiu-gī-hōe thong-kòe tiōng-tāi-koat-gī, Kiōng-sán-chú-gī kap La̍p-chhùi-chú-gī kâng-chōe!
    9/19 歐洲議會通過重大決議，共產主義和納粹主義同罪！

Kah-sī “Kiōng-sán-chú-gī kap La̍p-chhùi-chú-gī kâng-chōe”, tong-kio̍k ūi-hô kàu-taⁿ koh ún-chún ngó͘-chheⁿ-kî chhim-mn̂g-ta̍h-hō͘, tùi kok-bîn soan-iông bú-thóng? Soan-iông Nazi mā-sī giân-lūn-chū-iû ma?
既然「共產主義和納粹主義同罪」，當局為何至今仍容許五星旗侵門踏戶，還對國民宣揚武統？宣揚納粹也是言論自由嗎？

9/29 hoat-seng koa-chhiú Hô Ūn-si pī phoah-âng-chhat
9/29 發生歌手何韻詩被潑紅漆

Chin put-hēng, Hiang-káng koa-chhiú Hô Ūn-si tī Tâi-pak hō͘ thóng-phài-cho͘-chit phoah-âng-chhat, chôan-kok tōa-tio̍h-kiaⁿ .
很不幸，香港歌手何韻詩在台北被統派組織潑紅漆，震驚全國。

Tī tē-it-sî-kan Chhòa-chóng-thóng hoat-piáu tâm-ōe, kéng-hong khòai-sok cha-chhut che sī “Thóng-chhiok-tóng” ī-bô͘ cho͘-chit-hōan-àn-ê.
第一時間蔡總統發表談話，警方迅速查出這是「統促黨」預謀組織犯案的。

Kì-jiân kok-chè-siā-hōe í-keng khak-jīm CCP sī hóan-jîn-lūi hōan-chōe-cho͘-chit, lán èng-kai khah-kín bêng-tēng “ūi CCP soan-thôan” sī hōan-chōe-hêng-ûi, tong-kim CCP thóng-tī-hā ê Tiong-kok sī te̍k-kok.
既然國際社會已經確認中共是反人類犯罪組織，我們應該盡快明訂「為中共宣傳」是犯罪行為，當今中共統治下的中國為敵國。

Lim Bun-hoa (林文華)　2019/10/1