羊九十九

原版影音 ]

懷念的台灣老聖詩集

OLD TAIWANESE HYMN

編曲、指揮:林福裕
演唱:幸福男聲合唱團紀乃菡 (女高音)

  1. 真主上帝造天地 
  2. 脫出罪惡黑暗的交界 
  3. 至好朋友就是耶穌 
  4. 羊九十九 
  5. 懇求至尊的天父 
  6. 我心大歡喜 
  7. 全能獨一的王 
  8. 願我能愈愛祢 我主基督 
  9. 救主出聲叫我 
  10. 願咱救主耶穌基督 
  11. 懇求上帝施恩賜福 
  12. 境遇好壞是主所定 

《真主上帝造天地》 平埔調 編曲、指揮/林福裕 演唱/幸福男聲合唱團、紀乃菡
真主上帝造天地 能光能暗無人能
 暝轉為日日轉暝 生成萬物功勞圓
 上帝慈心著敬服 保庇眾人賜福祿
 食穿及用皆妥當 萬物齊備祂親創
真主上帝造天地 能光能暗無人能
 暝轉為日日轉暝 生成萬物功勞圓
 主的功勞大無比 拯救靈魂攏免死
 天下四海大及細 誠心敬拜獨上帝 阿們 阿們

《脫出罪惡黑暗的交界》 編曲、指揮/林福裕 演唱/幸福男聲合唱團、紀乃菡
脫出罪惡黑暗的交界 主我就祢 主我就祢
 入於光明得自由豎在 救主我來就祢
 肉體病痛祢賜我勇健 心神軟荏祢賜我活命
 脫離我罪成聖得祢愛 救主我來就祢
離開見羞失敗的苦境 主我就祢 主我就祢
 抬十字架得榮光得勝 救主我來就祢
 地上煩惱祢共我安慰 人生風波祢共我撥開
 雖有艱難思念祢恩惠 救主我來就祢
戰勝魔鬼死失的權勢 主我就祢 主我就祢
 進入父兜得榮光無替 救主我來就祢
 閃避驚惶滅亡的陷坑 入祢羊廄可平安居起
 久長享福覲祢面歡喜 救主我來就祢
 阿們 阿們

《至好朋友就是耶穌》 編曲、指揮/林福裕 演唱/幸福男聲合唱團、紀乃菡
至好朋友就是耶穌 擔當罪過與煩惱
 真正咱有大大福氣 萬事攏可對祂討
 心肝常常失落平安 沓沓掛慮艱苦事
 這是由咱未有深信 未有放心交托主
敢採遇著憂悶試煉 抑是甚麼大煩惱
 的確不可常常失志 當將各項來祈禱
 豈有朋友到即盡忠 甘願體貼萬災禍
 耶穌知咱心的軟弱 將這苦事來祈禱
試使倦懶攏無氣力 親像挑擔將跋倒
 至大救主咱可親近 萬事攏可對祂討
 朋友若有看輕厭賤 可將這事來祈禱
 主能用手遮截保護 心可安然免煩惱 阿們

《羊九十九》 指揮、編曲/林福裕 演唱/幸福男聲合唱團、紀乃菡
羊九十九臥著平安 攏受羊廄保護
只有一隻迷於山間 離開羊廄無路
迷於山嶺遍行荒埔
無受良牧管理照顧 無受良牧管理照顧
廄內剩羊尚九十九 豈未足主心意?
主講彼隻真正屬我 現今與我相離
路途雖然嵁砢斜斜
當去曠野尋羊來此 當去曠野尋羊來此
路中血跡各位染紅 這血從何處來?
主流寶血顯明愛疼 使羊不免受害
救主腳手受傷跡跡
為著尋羊被荊所刺 為著尋羊被荊所刺
山坪山崁山腰各旁 有聲從彼在起
音韻響亮透上天庭 尋著我羊歡喜
寶座四圍天使應聲
歡喜主有尋羊到成 歡喜主有尋羊到成
阿們 阿們
保證這是 1 片媲美葛利果聖樂,令您終日反覆都聽不厭倦的天碟。
至虔誠的歌頌,最動人的音籟;無論早來晚到,毋管有神無教。
宛若空山靈雨的寧旖,造就純淨伊甸的安逸,如此貼心平和的合唱珍品,您怎能捨得不聽呢?
1960 年代,由林福裕老師一手調教的【幸福男聲合唱團】,灌錄過許多咱們 Formosa 最令人懷念的曲韻。歷經 3 年的訓練,集合島內各詩班的菁英,這是 Lucky Trio 2nd 成軍以來第 1 片 CD ,加上受過正統古典聲樂訓練的女高音紀乃菡小姐,堪稱國內最澄瑩剔透、婉約素淨的歌聲,為此專輯注入一股遠離塵囂的淡雅 …… 。

《懇求至尊的天父》 編曲、指揮/林福裕 演唱/幸福男聲合唱團、紀乃菡
懇求至尊的天父 與阮同聚會
 阮今要行婚姻禮 遵趁父上帝 各項要趁主旨意
 所行要合主真理 夫妻結約到一世 同心同歡喜
 今日結約成夫妻 榮光父上帝
懇求仁愛的天父 降福永無替 使伊能識主大恩
 為主熱心相憐憫 同行天路堅固信 願主祝福伊
 使伊能識主大恩 為主熱心相憐憫
 同行天路堅固信 願主祝福伊 阿們

《我心大歡喜》 編曲、指揮/林福裕 演唱/幸福男聲合唱團、紀乃菡
我心大歡喜 我的嘴當吟詩 感謝上主至大仁義
 在日時讚美 在暝時我感謝
 如此服事亦無夠額 如此服事亦無夠額
我心所敬愛 我至好的牧者 羊群站在祢處攏無驚
 青翠的草埔 祢歡喜導阮去
 使阮可與祢同歡喜 使阮可與祢同歡喜
我心所欣慕 大仁愛主耶穌 是祢愛替我開路
 真理與活命 只有祢能賞賜
 我歡喜感謝祢久久 我歡喜感謝祢久久
 阿們 阿們

《全能獨一的王》 編曲、指揮/林福裕 演唱/幸福男聲合唱團、紀乃菡
全能獨一的王 阮人所當尊崇
 常常敬奉 暝日顧阮無離 各時施恩保庇
 深深愛阮大家 續到天下
永活的道耶穌 阮人所當稱呼
 祢有看顧 甘願替人釘死 世人罪屬脫離
 又做眾人的中保 使人倚靠
讚美三位一體 造化萬民的父
 愛人上帝 仁慈施恩普遍 公義威嚴顯然
 賞罰無有偏情 攏照公平 阿們

《願我能愈愛祢 我主基督》 編曲、指揮/林福裕 演唱/幸福男聲合唱團、紀乃菡
願我能愈愛祢 我主基督
 跪落祈禱謙卑 求祢賜福
 我心懇求無離 愈久能愈愛祢
 能愈愛祢 能愈愛祢
昔我擒住世間 安樂得意
 今我願放各項 專心尋祢
 儆醒祈禱無離 愈久能愈愛祢
 能愈愛祢 能愈愛祢
世間雖有艱苦 憂悶煩惱
 義人有主可靠 歡喜讚美
 我口吟詩無離 愈久能愈愛祢
 能愈愛祢 能愈愛祢
 能愈愛祢 能愈愛祢 阿們

《救主出聲叫我》 編曲、指揮/林福裕 演唱/幸福男聲合唱團、紀乃菡
救主出聲叫我 軟弱的人近倚 大家好膽進前
 直到救主面前 啊 倚靠主恩點 罪過得赦免
 我大福氣與歡喜 是靠救主名字
硬心黑暗迷路 親像大石堅固 若倚靠主耶穌
 祂憐憫開活路 啊 倚靠主恩點 罪過得赦免
 我大福氣與歡喜 是靠救主名字
從死復活的時 聖徒同唱聖詩 歡喜齊聲來合
 讚美主大功勞 啊 倚靠主恩點 罪過得赦免
 我大福氣與歡喜 是靠救主名字

《願咱救主耶穌基督》 編曲、指揮/林福裕 演唱/幸福男聲合唱團、紀乃菡
願咱救主耶穌基督 顯明恩典慈悲
天父上帝賞賜大福 愛咱親像子兒 愛咱親像子兒
聖神全能共咱感動 居起各人心內
三位一體與咱相通
此時到萬世代 此時到萬世代 此時到萬世代
阿們

《懇求上帝施恩賜福》 編曲、指揮/林福裕 演唱/幸福男聲合唱團、紀乃菡
懇求上帝施恩賜福 保佑一家安樂
氏大氏小信主基督 大家相愛和睦 大家相愛和睦
父慈子孝夫妻保老 兄弟姊妹和好
虔誠祈禱勤讀聖經 成做屬主家庭 成做屬主家庭
安分守己敬虔知足 不敢放縱私慾
或是快樂或是艱難 求主賜阮平安 求主賜阮平安
阿們 阿們

《境遇好壞是主所定》 編曲、指揮/林福裕 演唱/幸福男聲合唱團、紀乃菡
境遇好壞是主所定 上帝在照顧你
 站主翼下穩當免驚 上帝在照顧你
 上帝在照顧你 各日在顧 各日導路
 上帝在照顧你 上帝在照顧你
為主做工攏免失志 上帝在照顧你
 路途坎坷危險彼時 上帝在照顧你
 上帝在照顧你 各日在顧 各日導路
 上帝在照顧你 上帝在照顧你
無論遇著何大試煉 上帝在照顧你
 得主扶持攏免厭倦 上帝在照顧你
 上帝在照顧你 各日在顧 各日導路
 上帝在照顧你 上帝在照顧你
上帝在照顧你 各日在顧 各日導路
 上帝在照顧你 上帝在照顧你 阿們